Cychwynwyd y syniad o Hydro Anafon gan Gyfarwyddwyr Cwmni Adnewyddiant Abergwyngregyn (CAA) yn cydweithio gyda Keith Jones o’r Ymddiriedolaeth Genedlaethol, y prif dirfeddianwr yn Nyffryn Anafon.

Menter gymunedol yw CAA a chwmni cyfyngedig drwy Warant a  gorffolaethwyd yn 2002. Fe’i rheolir gan ddeuddeg o gyfarwyddwyr gwirfoddol a thri aelod cyfetholedig o Abergwyngregyn.

Ers ei sefydlu, mae CAA wedi ymgymeryd a nifer o brosiectau cyunedol:

• Codi cyllid grantiau, swm oddeutu £470,000 i brynu ac adnewyddu Yr Hen Felin, hen adeilad cerrig yng nghanol y pentref, fel adnodd cymdeithasol yn mae bellach hefyd yn ei gyfarwyddo. Mae yno ystafell gymunedol, caffi ac ystafell snwcer. Agorwyd Yr Hen Felin ym Mis Mawrth 2006 gan Mrs Betty Williams.
  
  
• Codi cyllid grantiau, swm oddeutu £250,000 i brynu ac adnewyddu hen adeilad pwmpio yn y pentre fel canolfan treftadaeth a thoiled i ymwelwyr a ddaw i ymweld â Dyffryn Aber.
  
  
• Prynu a datblygu cae bychan yng Nghae’r Felin er mwyn creu man chwarae i blant a lle cymunedol i’r pentref.
  
  
• Datblygu maes parcio rhad ar gyfer ymwelwyr ar gyrrau’r pentref.
  
  
• Llogi maes parcio Bontnewydd sydd ar gyfer Rhaeadr Aber a Gwarchodfa Natur Cenedlaethol a’r Carneddau gan Awdurdod Parciau Cenedlaethol.
  
  
• Dod i gytundeb rheoli gyda Chyfoeth Naturiol Cymru i redeg maes parcio’r Goedwigaeth sydd ar gyfer Rhaeadr Aber a’r Dyffryn – daw’r meysydd parcio yma  a phrif ffynhonnell ariannol i’r cwmni.

Cafodd CAA Wobr y Frenhines am Wasanaeth Gwirfoddol yn 2011. Yn 2010, mewn partneriaeth gyda’r Ymddiriedolaeth Genedlaethol, dechreuodd cyfarwyddwyr CAA wneud astudiaethau ymarferolrwydd o ddatblygu cynllun hydro ar Afon Anafon uwchlaw’r pentref a phenderfynnwyd symyd ymlaen gyda’r fenter.

Roedd cymalau cyntaf y datblygiad, yn cynnwys astudiaethau ymarferolrwydd  a sicrhau pob caniatad a hawliau, yn ogystal ac adeiladu’r hydro yn 2015 yn cael eu rheoli gan dri cyfarwyddwr o CAA, sef Jacuqi Bugden, Gavin Gatehouse a Hywel Thomas a oedd yn gweithredu’n wirfoddol gyda chymorth technegol ac arbenigol.

Cliciwch isod i ymweld â gwefan y pentref i gael gwybodaeth am Abergwyngregyn a’r ardal cyfagos.

ewch i wefan ein pentref